PROGRAMA PARA MAYORES
Obradoiro pensado para mellorar a calidade de vida das persoas con trastornos da memoria mantendo a autonomía e a independencia, diminuíndo ou retrasando a incidencia da demencia e deterioro ao tempo que as persoas participantes atoparanse cos seguintes beneficios:
Mellora da percepción subxectiva da saúde.
Mellora das actividades básicas da vida diaria.
Mellora das relacións interpersoais e habilidades sociais.
Debido ao impacto que teñen as demencias e/ou o deterioro cognitivo nos familiares do/a afectado/a, faise importante unha intervención cos mesmos para proporcionarlles apoio social e ferramentas para xestionar o tempo libre, para sentirse satisfeito co coidado realizado e para seguir mantendo a súa vida familiar e social.
Para isto, proponse un grupo de apoio, mensual, no que crear un clima de cooperación para afrontar situacións de cambio, dotar aos familiares de recursos, soporte emocional, apoio nos momentos de crise, aprender un novo estilo de vida, ensinar hábitos saudables, orientar e apoiar.
Entre as súas características destaca:
- A estimulación cognitiva das/os usuarias/os afectadas/os mediante diferentes exercicios de relaxación, habilidades cognitvas, etc.
- Proporcionar novas ferramentas e recursos para a realización de diferentes exercicios de estimulación cognitiva por parte dos familiares.
- O grupo de apoio no que expresar as propias experiencias persoais, dúbidas, sentimentos, etc. Aportando novas ferramentas e habilidades para afrontar dunha forma máis saudable o día a día coa persoa afectada e o seu entorno.
Na primeira sesión se realizará unha proba de xeito individualizado, para saber que grao de afectación ten a persoa e así conformar o grupo de traballo e as actividades a realizar segundo o nivel de dificultade.
O horario das sesións é de 17.00 a 18.00h
Está actividade está limitada, as prazas cubriranse por orde de inscrición. A actividade ten carácter gratuíto.
Todas aquelas persoas interesadas en participar poden presentar a folla de inscrición cuberta no centro municipal de servizos sociais.
Para calquera información dirixirse a:
CENTRO MUNICIPAL DE SERVIZOS SOCIAIS
Avda.do Mar, Bloque 1, Baixo - San Valentín
Teléfonos: 981.492.706 / 981 342607
Caixa electrónica: servizos.sociais@fene.es
O programa de envellecemento activo no que se enmarca Tardes Activas , subvencionado pola Deputación da Coruña
